岩岩見到新聞：天文台長林超英表示，今後會將颱風分為三個等級，分別是「颱風」、「強颱風」和「超強颱風」。風速增至150公里，就會稱為「強颱風」。如果風速進一步增至185公里，就是「超強颱風」。對呢樣既極有興趣既我，梗係唔會錯過呢段新聞，自己頭先都有係forum 同人吹左兩句！

其實呢樣野都好，雖然都好小俾超級颱風掃過華南海，記得對上一次入左南海既風中心風力都係大約160KM/h ，但去到香港以東南400KM左右就慢慢減弱返。如果跟據返天台既新等級，佢就係強颱風。

雖然係咁，但呢個新等級係好既，可以俾市民知道個颱風係去到咩強度，因為一般市民都唔會理＂中心風力＂呢樣野。加上舊等級＂颱風＂既range真係好大，由中心風力115km/h 去到200km/h 以上都係叫＂颱風＂。所以新等級總括黎講係好既！

其實美國JWTC, 台灣既CWB 都已經一早分左超級颱風同中等颱風呢啲野。

就好似對上一次8月22日掛既9號風球(詳細睇返我之前D blog)，颱風鸚鵡就係一個例子：中心風力最高都係得160km/h，但入到南海就慢慢減弱，不過最後都以中心風力120km/h 掃過HK，所以掛左９號風球。

事實上由上圖可以見到個風一路都係海度，冇被陸地影響而減弱，例如上面既台灣，下面既呂宋，佢係台灣同呂宋中間穿過先進入南海，而入左南海後因受到北面既乾燥氣流影響，所以先會減弱。