今日同ArKa, Arka’s gf, Kandell, pong 去左動漫展~ 一早起身同佢地食早餐就坐182出發！出到去真係好多人呀，買卷入場都要排好長既隊，入去會場更加要排隊。

入到去第一時間睇一場WCG – CS@de_dust2，之後就行左個圈，又去高登個counter買野，今次買左粒膠同個月曆＝＄２５，今次粒膠黑色，襯返個袋既色～

行到咁上下，去返ＷＣＧ果度，因為呀Pong 準備上台打ＷＣＧ＠War3～最後呀Pong 輸左2:0..始終對手係一個香港排第3既人… 不過與此同時，ＲＳ打緊ＣＳ，最後爆冷地ＲＳ輸左俾一隊唔知咩ＴＥＡＭ…真係有啲可惜…入唔到8強

最後，我地返沙田食野，之後就返左屋企～

福仔都有攤位～

今年的ＷＣＧ２００８

Pong(左) VS 13U(右) @ WCG-WAR3 RD1

My New Clown :o)

月曆卡

今日香港時間(2008年8月1日5時23分至7時23)出現左天文現象日全蝕，雖然香港果個時間太陽仲落緊山，所以冇乜機會睇到，但係好彩網上(NASA)有直播！

歷時２個鐘既日蝕我全程睇哂，由遮左一小邊開始至到全個太陽被月球遮哂再見返個太陽。同時我都係遮左一小邊果陣同全個太陽被月球遮哂左果陣係窗口影左兩張相，十分鐘內個天好明顯係暗左超多的。

今日同Tom＆Tony去左書展，去之前食左個super sandwich…加左價..食左$50都唔飽:(

入到去都兩點幾..由於係星期五都唔係太多人

見到怪談個師傅

潮語學習卡

會展望出去維港..記得舊年都影過..

今日終於搞掂左部新server! Q6600, 4GB RAM, 630GB Hard Disk, 380W Power Supply

真係好多謝TOM(Poor Guy) 同 Tony(GENESIS) 幫手砌呢部野~

開頭返到黎砌…砌好開機idel六十幾度，跟住試用program 谷到佢full load, boost到九十幾一百度….

跟住…知唔掂…所以即刻睇下個heat sink 係唔係插得唔好..點知原來真係…好彩最後我同PG一手一腳搞返掂，而家idel 4x度, full load 60-70度!~

尋晚allenkan借左隻高清手指俾我試..試下我果邊收唔收到，結果用手指內置果條天線收得好穩定，始終我呢邊空曠。

但有一個問題就係收唔到原先標清果４個台，但其餘９個數碼台收得哂。發現呢個問題後，我即刻搬部機去我呀媽間房插埋大廈天線黎試，結果全部１３個台收得哂！我諗係因為手指內置果條天線唔夠勁，可能因為果４個標清台頻率比較低,所以較難用條cheap 天線收。

可惜我自己間房冇天線喇！雖然係咁，但我覺得冇乜所謂，始終而家果４個標清台用模擬仲有得睇，買手指都係為左睇高清台姐～

睇緊高清台果陣用埋硬解我粒ＣＰＵ(C2D T7100 1.82Ghz)使用率都係大約６０－７０％，睇標清台果陣大約２０－４０％，所以你粒Ｕ冇返咁上下都唔好買手指住～