尋日下午Vienna MSN 我話七月會返黎，講講下原來佢要做一份功課係compare java 同 flash… 試問一個讀business 既女仔又點識呢啲野，後來問Shawn 原來果邊係咁，College 既讀business 會夾呢D野要你自學。之後幫佢搵左幾個site同俾左啲個人意見叫佢自己黎啦，佢咁鬼聰明應該冇問題～

唉..聽日又要QUIZ 喇… 又係溫書時間..

尋晚四點幾先訓，飲左酒真係可以忘記唔開心既野…

今日12點出左MK唱K，上左朗豪坊幫人睇埋幾點場就返歸。老豆終於買左部高清接收器連錄影，以後可以係電視睇到高清台又可以錄到，唔洗下下野用我部laptop！部野幾user friendly，我都係setup左半粒鐘到就搞掂，說明書都唔洗睇。

wallaceho.com 既Online Match Party 會係黎緊六月中搞，自己未有經驗搞過呢啲大型野，真係好多謝一班admin呢幾個月黎同我籌劃，希望搞得順順利利！另外我會係六月同Shawn 一齊夾多台server，到時又有多一樣野可以搵大錢！

夜晚收到SMS 有人約28或者29號睇terminator，今集唔知會點呢～

今日好開心=] present 完之後就放下哂所有野盡情去玩個痛快！同shawn 出左沙田食burger king既Whopper~ 真係好正 😛 之後搭車黎我度打機。arka 3點倒黎到，之後呀糖都黎埋，玩到八點就去左食吉野家，之後去買汽水諗住溝VODKA 飲！返到去拿拿林試下飲，真係幾正=] 之後邊打機邊飲，玩到一點就一齊落第一城Ｍ記食double足三兩，第一次食感覺唔錯，仲食到好飽@@ 之後陪埋佢地等車，自己一個行返屋企…條路好靜..好耐都未試過咁夜行呢條路.. 返到去都成3點鐘了…

Burger King 😛

VODKA+ Orange Juice or Coke 😛

double足三兩 😛

——————————————————————–

岩岩高登睇到個post… 真係值得一睇
http://forum6.hkgolden.com/view.aspx?message=1712580
我以前就係佢果種思想… 大個左面對左好多野之後真係唔會

無論日夜是如何經過
寧願在極樂當中的我
沉迷或放棄亦無可不可
毫無代價唱最幸福的
願我可

今日終於present 完份FYP 了!!! 好熱呀..我地四個group member 都著左成套suit，真係熱死人！我仲要攞住部好鬼重既notebook。黎先生同Grace都有黎睇我地present，Q&A果度問左我地邊樣最difficult，我就答each part of session has their own difficulties, it’s hard to say which part. 咁又真係，我地四個都做唔同既野，每樣野都有自己既難處，加上我地做左大量既research工作。一年既project 就咁完左，仲差個final report 未寫好，聽日又有另一個present 喇… powerpoint都未整好呀 =.=

今日lunch果陣佢地講起尋日星期日檔案，開頭我都唔知咩事，因為尋日冇睇。返到黎睇下，原來真係有啲幾特別既事。

首先，我唔係批評人攞綜綬同住天水圍，但點解個呀媽有手有腳而家先走去返工仲要做茶餐廳呢？我唔信清潔果啲都搵唔到！好喇～講到屋企，又話細又話冇空間，兩個人住仲大過我舊果間屋，仲想點呀？想住豪宅千幾尺俾你好冇？又話冇房，自己唔識間間房仔？屋企部電視，32吋LCD ，我屋企都冇咁正既野，冇錢唔識買啲幾百蚊既雜牌既電視機？雖然，我真係好欣賞佢咁好學，而且興趣果度同我差唔多，又係細個果陣睇到人地啲網咁勁想自己整..又咁識諗為未來，講到創業，果陣同佢一樣年紀搞wallaceho.com 我都有諗過，做到而家都總算有成就，呢啲野當然唔係一朝一夕可以做到既，所以呢方面我真係好支持佢。但佢而家經濟有困難，真係好應該買小啲冇必要既野，間屋仲靚過好多冇攞綜綬既人呀大佬！你叫人點信你丫.. 班高登狗公淨係識得睇女，有時啲野都要講下道理既，岩就岩錯就錯啦

Part1

part2