好耐冇打過呢個blog，近排冇咁忙應該都會打返。呢個月發生左好多好多事， 經過左考試，見證朋友AL放榜，CS online match party 搞手…..

考完試之後話就話好似hea下hea下咁，但都忙左一排搞online match party既野，話哂都係自己同幾admin一手一腳安排既第一個咁大型既活動！經過連日黎既努力，整時間表，試HLTV，試Server，整plugin…而家終於去到決賽。我都估唔到各位玩家會咁支持同重視我地今次既比賽，可能係獎品既關係啦。其實呢次都係試驗性質，所以一定會有下一次的，至於下一次幾時搞就賣個關子先，哈哈！

AL放榜日，一早就收到幾個朋友電話，佢地最後都係行返我果條路。其實心裡有數了，所以會考冇返17分都唔好上去啦。有的選了asso, 有的選了IVE, 有的博下樹仁，有的出國讀書。我想當初自己真的沒選錯路….

尋日下午Vienna MSN 我話七月會返黎，講講下原來佢要做一份功課係compare java 同 flash… 試問一個讀business 既女仔又點識呢啲野，後來問Shawn 原來果邊係咁，College 既讀business 會夾呢D野要你自學。之後幫佢搵左幾個site同俾左啲個人意見叫佢自己黎啦，佢咁鬼聰明應該冇問題～

唉..聽日又要QUIZ 喇… 又係溫書時間..

尋晚四點幾先訓，飲左酒真係可以忘記唔開心既野…

今日12點出左MK唱K，上左朗豪坊幫人睇埋幾點場就返歸。老豆終於買左部高清接收器連錄影，以後可以係電視睇到高清台又可以錄到，唔洗下下野用我部laptop！部野幾user friendly，我都係setup左半粒鐘到就搞掂，說明書都唔洗睇。

wallaceho.com 既Online Match Party 會係黎緊六月中搞，自己未有經驗搞過呢啲大型野，真係好多謝一班admin呢幾個月黎同我籌劃，希望搞得順順利利！另外我會係六月同Shawn 一齊夾多台server，到時又有多一樣野可以搵大錢！

夜晚收到SMS 有人約28或者29號睇terminator，今集唔知會點呢～

今日好開心=] present 完之後就放下哂所有野盡情去玩個痛快！同shawn 出左沙田食burger king既Whopper~ 真係好正 😛 之後搭車黎我度打機。arka 3點倒黎到，之後呀糖都黎埋，玩到八點就去左食吉野家，之後去買汽水諗住溝VODKA 飲！返到去拿拿林試下飲，真係幾正=] 之後邊打機邊飲，玩到一點就一齊落第一城Ｍ記食double足三兩，第一次食感覺唔錯，仲食到好飽@@ 之後陪埋佢地等車，自己一個行返屋企…條路好靜..好耐都未試過咁夜行呢條路.. 返到去都成3點鐘了…

Burger King 😛

VODKA+ Orange Juice or Coke 😛

double足三兩 😛

——————————————————————–

岩岩高登睇到個post… 真係值得一睇
http://forum6.hkgolden.com/view.aspx?message=1712580
我以前就係佢果種思想… 大個左面對左好多野之後真係唔會

無論日夜是如何經過
寧願在極樂當中的我
沉迷或放棄亦無可不可
毫無代價唱最幸福的
願我可

今日終於present 完份FYP 了!!! 好熱呀..我地四個group member 都著左成套suit，真係熱死人！我仲要攞住部好鬼重既notebook。黎先生同Grace都有黎睇我地present，Q&A果度問左我地邊樣最difficult，我就答each part of session has their own difficulties, it’s hard to say which part. 咁又真係，我地四個都做唔同既野，每樣野都有自己既難處，加上我地做左大量既research工作。一年既project 就咁完左，仲差個final report 未寫好，聽日又有另一個present 喇… powerpoint都未整好呀 =.=