今日真係好攰…返早放4:30..放左學要落canteen同公司開會，曾sir請飲O茶！加上學到唔小野，佢地好似好buy我地咁，同埋知道左好多出黎做野應該要點。

開完會都6點幾了…之後同TCK去左等車..放工時間冇位坐@@ 部車去到沙角先有位坐..

尋晚同老豆揸車出左去接呀媽放工，上車前真係勁大風，係車入面望出去見到D人勁狼狽@@

今朝一早6點幾收到Jimmy SMS 第一個SMS話”3號風球:(” 心諗..死了..要返學，幾分鐘後收到另一個SMS”上晝停課”!! haha 不過學校岩岩出左announcement下午1:30之後To be held as scheduled-.- 下午有4個鐘要返:( ~ 願望實現了一半破滅了

今日放假，朝早同左幾個去左外國讀書既friend傾計，佢地好多都開哂學lu，吹水吹到12點佢地要訓覺@@ 之後同呀Eddie出新城市食野，出去果陣時冇乜風冇雨的(但當時已經掛左3號風)，真係感覺唔到係吹緊強風(41-62km)。不過食完野行返黎果D風雨開始黎了！

今次個風真係好勁，增強得好快，其實我上個星期已經一早知道，但現時既預測路徑比起前幾日預測得偏南左。不過由於佢個烈風圈真係好大(有成300km，加上中心風力強勁，所以掛八號既機會係好高！

尋晚好多人MSN我同我討論呢個風，其中一個真係好特別-.- 佢問我點解咁有研究呢D野..我話有興趣姐@@ 佢話佢讀預科地理都唔識呢D野@@

今日成日都玩得好開心呀~ 下午又有人陪夜晚又可以同小學同學聚舊

呀昌後日要走，所以今日夜晚我地十幾個６Ａ班小學同學上左佢屋企BBQ聚下舊～ 有幾個以前幾friend既真係勁耐冇見，佢地有D讀緊asso, high dep.; 有D就升左上degree; 有D就讀緊F7~ 最勁果個入左HKU degree！

17/9

今日break 果陣買左罐芳達黎飲..原來芳達都變左330了@@