15/2

肥揚個mon壞左..晨早打黎叫我陪佢出去..最後出左黃金買左個TOPCON 19″ WIDESCREEN $970. 佢同我果個既分別就係個resoultion 高啲同埋有HDMI。

16/2

返學…Present…放學

17/2

朝早上左兩堂共3個鐘都係做心理測驗.. 睇下你個性格係點..適合啲咩工作，開頭以為唔多準..但連續兩堂唔同既測驗結果一樣…證明其實幾準

英文堂個結果: precise, intellectual, scientific, helpful, friendly, trustworthy…

SAO 果堂個結果都係差唔多…

都真係幾似我..

先祝福各位有老公/老婆, 有男/女朋友既朋友情人節快樂！ …….多餘既祝福說話就唔講啦, 自己發揮啦

我覺得情人節更需要關心既, 其實應該係單身既朋友。
所以送單身既各位(雖然我都係一份子….)一段短片啦。

oscar 最佳動畫短片提名作品《給每一個等待愛的人》

轉自 wallaceho.com

12/2

今日放學後返屋企訓覺..訓到5點幾之後講左陣電話就同arka, his gf, 呀糖出左去食飯~ 😛 好掛住D 蠔餅!! 食完之後去左7仔買酒去公園飲，吹左陣水…同fafa玩左好多白癡遊戲haha -.- 雖然白癡..不過都幾搞笑 。之後去左食糖水，食果陣時又同arka,fa玩估歌仔 sosad 玩到十點幾返屋企…

13/2 Black Fri…

尋晚3點先訓..今朝7點有電話打黎醒左陣，之後幫佢整埋啲野之後訓返，原先諗住11點起身唱K… 點知一訓訓到11點9..之後打電話俾佢.. 佢話而家都冇k lunch 都係訓多陣先-.- 訓到兩點幾起身..搞埋D野3點同朗朗出左NTP食野，食左個下午茶，之後去睇鞋..不過唔買得住..未過正月~ 睇左陣出左ssp 打機，打到6點返沙田行左陣食左個泠面，等埋呀Jack (因為佢頭先去左ＭＫ睇戲)之後去食野。去到希爾頓點知間野執左…之後行左去好運吉野家..點知冇位…再行去禾輋吉野家食野..食完返歸!~

放左3個星期假(連埋sem break)..聽日開始要返學lu

今個假期收獲都幾豐富，買左headset, diskcase… 逗左都幾多利士@@ 今年多左封開工既..haha 希望今年可以賺多啲啦！

今日去左車公廟，求到上籤 🙂

之後親戚上黎我屋企拜年… 佢地打麻雀..我就同windy 係度吹水…呢排真係成日聽到首說好的幸福呢…收音機又聽到, windy 電話響又聽到@@，佢部notebook又壞了小小野-.- … 吹到咁上下食飯.. 食完飯睇電視.. 睇到咁上下佢地走了

今日會早啲訓…聽日就開學了

今日一早出左去MK唱Ｋ，我地一班人約埋係同一間redbox…朗朗同佢地早到…同佢D 同學一齊一間房(k lunch)，我地班一間房(hapi hour -.-)@@ 我地兩間房走黎走去haha。之後佢地走先，我地唱到５點半走。

之後出左深水埗..因為約左99買haedset!! $980 steelseries後掛式送USB sound card！！之後約左呀Yin 去左MK好景i-one 打機順便試埋個headset..打左兩粒鐘返沙田食野。

返到沙田同arka, arka’s gf, 豹哥, 豹哥gf 食潮州打冷:P…[葡萄mode]佢地一對對-.- 得我一支公..wtf…[/葡萄mode] 幾好食，每位都係$70 有6個送飲埋beer!! 我地幾個飲到塊面紅哂-.-

食完後去左隔離食糖水(呀糖放工!)之後就返歸了…

My New Headset

With the USB sound card ^^

食糖水同佢地影左相