放左3個星期假(連埋sem break)..聽日開始要返學lu

今個假期收獲都幾豐富，買左headset, diskcase… 逗左都幾多利士@@ 今年多左封開工既..haha 希望今年可以賺多啲啦！

今日去左車公廟，求到上籤 🙂

之後親戚上黎我屋企拜年… 佢地打麻雀..我就同windy 係度吹水…呢排真係成日聽到首說好的幸福呢…收音機又聽到, windy 電話響又聽到@@，佢部notebook又壞了小小野-.- … 吹到咁上下食飯.. 食完飯睇電視.. 睇到咁上下佢地走了

今日會早啲訓…聽日就開學了

今日一早出左去MK唱Ｋ，我地一班人約埋係同一間redbox…朗朗同佢地早到…同佢D 同學一齊一間房(k lunch)，我地班一間房(hapi hour -.-)@@ 我地兩間房走黎走去haha。之後佢地走先，我地唱到５點半走。

之後出左深水埗..因為約左99買haedset!! $980 steelseries後掛式送USB sound card！！之後約左呀Yin 去左MK好景i-one 打機順便試埋個headset..打左兩粒鐘返沙田食野。

返到沙田同arka, arka’s gf, 豹哥, 豹哥gf 食潮州打冷:P…[葡萄mode]佢地一對對-.- 得我一支公..wtf…[/葡萄mode] 幾好食，每位都係$70 有6個送飲埋beer!! 我地幾個飲到塊面紅哂-.-

食完後去左隔離食糖水(呀糖放工!)之後就返歸了…

My New Headset

With the USB sound card ^^

食糖水同佢地影左相

今日一早出左鰂魚涌去呀媽公司果邊飲茶..順便逗利是haha… 食完野之後佢地返公…我就同佢同事個女行左陣…之後返歸了

買左杯果汁飲..超正:P

今日同Tony去左深水埗，佢要買hard disk + case + ram，我自己就要買disk case。出到去食味千，行左陣之後去飲椰汁:P ，最後買左個$140 既case 返屋企。坐地鐵去到九龍塘撞到小學同學-.- 咁岩係同一卡 haha，原來佢又係出左黃金～之後一齊返屋企..

我買左既disk case

新板…好貴

終於有時間用電腦…打返前幾日啲行程先

年三十 – 下午朋友約左我出左旺角買鞋，之後黎左我home玩，夜晚食完飯去左行年宵! 買左舊屎同屎搭。

初一 – 同舊年一樣，一早出左黃大仙先去婆婆度，睇埋場波之後表哥約左我去吉之島行左個圈，食左小小野:P (冬天食OK雪榚真係正)之後買左副Ｄ上麻麻屋企度鋤！

初二 – 一早去左婆婆度，之後又係行左陣樂富，係埋佢度食飯..咁就一日 。

初三 – 老豆今朝車婆婆去港島果邊拜年..自己冇去到…可以話係屋企過..都岩ge今日赤口。

黎緊既日子都full booking -.- 初四俾人約左黃金，初五應該唱Ｋ(我都想同你地踏單車..但一早俾人book左呢日)，初六買headset+lan party，初7人地上黎拜年..

今年冇乜野買

買左舊屎送俾人-.-

呀媽買屎搭

逗完老豆封大利是同佢影相@@