尋日佢地約左我去唱K，7點係旺角新之城等。之後上左果度間neway唱K buffet！都幾抵食，唱左４個幾鐘俾勁大間房有電視有電腦,兩杯野飲都係$110/位

唱完都十一點，之後落左ＭＫ８８不過冇乜game 玩:o) 所以轉移左去西洋菜街果間玩，打左一場機就行去旺角東坐車閃人。

$110位真係幾抵食，做埋果日7拆冇喇

好大間房@@

好耐冇打過diary啦..因為近排真係好忙，好多野搞，今日開始會free啲喇！今日終於考完試！

回憶返呢一年，經歷左好多野… 好多野都好難忘…識左好多新朋友…學左好多野，多謝你地。

Internet programming 果科野既project 令我學識左呢個世界唔好咁易信人.. 可能自己好小講大話.. 不過令我知道呢個世界係幾現實.. 不過最後好彩自己做足自己本分，呀sir都知咩事..

暑假sem尾果陣，幫果公司寫web page果次係我第一次接觸到出面啲公司點運作點做野.. 最後好順利咁交到功課，做埋presentation 仲食左兩餐tim！

岩岩過左呢個sem 做果個fyproject 又係要同出面啲公司做野，佢地又教識左我好多野，真係好開心。希望下個sem 可以繼續合作啦~

暑假果陣砌左部新server，開始我既CS / web / vent server hosting 既業務，而家發展得算係咁，果度每個月都有一千左右的收入。

希望２００９年會更好啦！

呢排真係好多funny 歌

終於可以休息一下了！２４號同佢地出左去打機，夜晚去左打邊爐之後佢地上左黎我屋企玩通宵！

打到朝早訓左陣..7點半去左偷翠M記食早餐

之後超攰…返到屋企訓到12點執好野2點幾再訓過@@